უკომპლექსობის კომპლექსმა
კომპლექსურად
წალეკა
თაობა.
და დაამკვიდრა
დეგრადირებულთა კომპლექტი.
ბიჭებს მოსწყინდათ
ზნეობასთან ფარიკაობა
და მსუბუქმა თავებმა
ტრადიციულ ქართულ სუფრაზე
მოისროლეს არატრადიციული ფრაზე
ბი:
გააყუჩეს პურისუფალი
და იგრძნეს თავი თავის უფლებად.
კომპლექტში სამი კაცია -
სულ გადარიეს ნაცია.
პირველი ტიპი ანცია.
მეორე - ცოტა მკაცრია.
მესამე - ეჩოკაცია.
ერთურთს უხმობენ რაციით.
ერთნაირ პრონანსაციით -
ცახცახით და ვიბრაციით
ზედმეტად თვლიან ლექსებს და
ინსტიქტური რეფლექსებით
ცუნცულით აფიქსირებენ
უკომპლექსობის კომპლექსებს.
